...bi langsam am Verwache!

BERGRESTAURANT PLANALP

oberhalb vom uu schöne Brienzersee

S'Restaurant isch jetzt no gschlosse und i am Verwache.
De Tanz i di neu Saison isch am 9. Mai 2026

Video

Herzlich Willkomme im Bergrestaurant Planalp

Schö bisch (wieder) do. - I o gli!

D'Saison 2025 isch Gschicht und d'Saison 2026 chützeled scho.

Hesch gwüsst, dass kei Saison de Andere glicht?

Darum isch es immer guet, wieder en Blick iezwörfe.

Wa meinsch, wetsch schomol dini Wanderschueh langsam füreneh, de Rucksack poliere und dini Lieblingsmensche "vorwarne" für en super steile Ufstiig zum Restaurant um en Blick uf de See z'ha wo eues Herz hüpfe loht und eui Lachmuskle fordered?

Ab em 9. Mai 2026 goht's los i'd Saison 2026.

I freu mi uf di!

Claudia

Esse und Trinke

Wenn din Mage chnurt und du so richtig durstig bisch... Wa machsch denn?

Ichere? Mega guet. I het do en passende Ort dezue und en Chäsbrätel z'ha mit eme süffige Gläsli Wii/oder chellerchalte Bier isch nie en "Seich".

...loh dis Wasser im Muul zämä laufe bim Gedanke an en uu feine Chäsbrätel mit Speck und Zwiible... ...mmh...

Es git aber au:
- Überraaaaaaschig... Nei Spass biisiite. Letscht Saison hani do no ganz viel anderi Variantene ufgführt. Viellicht chunt o nomol s'Gliche. Viellicht o öpis neus.

Sobald i'd Menücharte zämä ha, wirdi paar Wort uf'd Websiite zaubere.

I freu mi, dir dörfe öpis z'Zuebereite!

Event's

Isch tanze dis Ding? Nid, völlig okay... Du muesch nid.

Wa du dörfsch... Isch Spass ha!!!

Din Event - Es Fest mit festem Bode, klarer Ussicht, zwirligem Esse, prickelndem Trinke, herzhaftem Lache und ganz ganz gaaaaanz vielne schöne Moment.

Mini Event's - Kei Saison isch glich wie die Ander. I loh da mol so stoh...

"Weisch no dete"? Wenn hesch du da s'letscht mol chöne sege?

I freu mi, din Spass i dine Auge chöne z'gseh!

D'Areis

Mengmol chamers nid erkäre wo's eim anezieht.

Damit du de Weg zu mir findsch...
S'Bergrestaurant isch bi de Mittelstation vo de Brienzer Rothorn Bahn oberhalb vom schöne Brienzersee.

Z'Fuess:
Ca. 2.5 Stunde vom Brienz Bahnhof aus.

Mit de Brienzer Rothorn Bahn:
Ca. 30 Minute vom Brienz Bahnhof bis zur Mittelstation Planalp.
Bitte beachte, dass du vorgängig en Sitzplatz i de Bahn reserviere söttisch.

Mit em Auto:

Du chasch bis zum Bahnhof in Brienz fahre und det aschlüssend dir en Parkplatz ergattere.

Mit em Zug:
Falls dir jedoch de Zug lieber isch, sind au do gäbigi Verbindige vorhande via Luzern oder Bern.