Herzlich Willkomme im Bergrestaurant Planalp
Schö bisch (wieder) do. - I o, aber goht gad no chlige.
Die zweit Saison (2026) het dörfe si und isch parat um is Gschichtbuech z'schriebe.
E neui Siite wird umblättered nöchscht Johr ab em 8. Mai 2027.
Freu mi jetzt scho mit dir denn dörfe Gschicht z'schriebe.
I freu mi uf di!
Claudia
Esse und Trinke
Wenn din Mage chnurt und du so richtig durstig bisch... Wa machsch denn?
Ichere? Mega guet. I het do en passende Ort dezue und en Chäsbrätel z'ha mit eme süffige Gläsli Wii/oder chellerchalte Bier isch nie en "Seich".
...loh dis Wasser im Muul zämä laufe bim Gedanke an en uu feine Chäsbrätel mit Speck und Zwiible... ...mmh...
Es git aber au:
- Gueti Frog... Also zur Ziit gad nüt meh. Aber ab em 8. Mai 2027 wieder denn.
I freu mi jetzt scho, dir dörfe öpis z'Zuebereite!
Event's
Isch tanze dis Ding? Nid, völlig okay... Du muesch nid.
Wa du dörfsch... Isch Spass ha!!!
Din Event - Es Fest mit festem Bode, klarer Ussicht, zwirligem Esse, prickelndem Trinke, herzhaftem Lache und ganz ganz gaaaaanz vielne schöne Moment.
Mini Event's - Kei Saison isch glich wie die Ander. I loh da mol so stoh...
"Weisch no dete"? Wenn hesch du da s'letscht mol chöne sege?
I freu mi, din Spass i dine Auge chöne z'gseh!
D'Areis
Mengmol chamers nid erkäre wo's eim anezieht.
Damit du de Weg zu mir findsch...
S'Bergrestaurant isch bi de Mittelstation vo de Brienzer Rothorn Bahn oberhalb vom schöne Brienzersee.
Z'Fuess:
Ca. 2.5 Stunde vom Brienz Bahnhof aus.
Mit de Brienzer Rothorn Bahn:
Ca. 30 Minute vom Brienz Bahnhof bis zur Mittelstation Planalp.
Bitte beachte, dass du vorgängig en Sitzplatz i de Bahn reserviere söttisch.
Mit em Auto:
Du chasch bis zum Bahnhof in Brienz fahre und det aschlüssend dir en Parkplatz ergattere.
Mit em Zug:
Falls dir jedoch de Zug lieber isch, sind au do gäbigi Verbindige vorhande via Luzern oder Bern.
Öffnigsziite
Achtung, fertig looooos...
Bevor losspurtisch Richtig Bergrestaurant bitte lueg no churz obi offe han.
s'Restaurant isch jetzt gschlosse und im Winterschlof.
Di neu Saison startet am: Samstig, 8. Mai 2027
Kontakt
Bi gspanne uf dini Frog.
Lueg do erreichsch mi:
Bergrestaurant Planalp
Mittelstation Planalp, 3855 Brienz
Gastgeberin
Claudia
078 240 74 91 (Bis Endi Februar 2027 isch au s'Natel im Winterschlof.)
planalpclaudia@gmail.com (Ab em Januar 2027 luegi ab und zue i's E-Mail. I freu mi vo dir z'lese.)
