Herzlich Willkomme im Bergrestaurant Planalp
Schö bisch (wieder) do!
Und "schwupp" het's gmacht und d'Saison 2025 isch verbi.
S'Bergrestaurant isch ab jetzt gschlosse und ich neimets am "umetigere".
Bis ganz gli. Wünsch dir e super Ziit!
Claudia
Esse und Trinke
Chnurrt din Mage? Und so richtig durschtig bisch du au?
Denn bisch du genau richtig bi mir.
Du liebsch s'Eifache, ohni grosse SchnickSchnack drumume?! Und nomol eimol meh bisch richtig bi mir...
...loh dis Wasser im Muul zämä laufe bim Gedanke an en uu feine Chäsbrätel mit Speck und Zwiible. ...mmh...
Es git aber au:
- en Salotteller für'd SalottigerIinne
- zweierlei Plättli für SchlemmerkönigIinne
- e frisch gmachti Tagessuppe für SuppeliebhaberIinne
- e Wurst für Wurstvernarrti
- en Biischinke mit Härdöpfelsalot für di Urchige (i de Vorsaison)
und i de Saison no bitzeli öpis anders.
En Guete und "Gsundheit"!
Event's
Du fiirsch gern? Uu i au.
Denn loh üs doch zämä fiire.
Din Event - Es Fest für DICH mit dine Fründe, dinere Familie, dine Arbetskollege oder ... Egal, du bisch willkomme und es git immer en Grund zum fiire.
Mini Event's - I ha mir ein zwei Event's überleit und noch de Vorsaison findsch du sie do druf.
"Weisch no dete"? Das chönt din Moment si, wo du e Erzählig startisch noch uu schöne Stunde bi üs.
Mir freued üs uf'd Ziit mit dir!
D'Areis
Wo isch s'Restaurant überhaupt? Viel nöcher als du denksch.
Du findisch s'Bergrestaurant bi de Mittelstation vo de Brienzer Rothorn Bahn oberhalb vom schöne Brienzersee.
Z'Fuess:
Ca. 2.5 Stunde vom Brienz Bahnhof aus.
Mit de Brienzer Rothorn Bahn:
Ca. 30 Minute vom Brienz Bahnhof bis zur Mittelstation Planalp.
Bitte beachte, dass du vorgängig en Sitzplatz i de Bahn reserviere söttisch.
Mit em Auto:
Du chasch bis zum Bahnhof in Brienz fahre und det aschlüssend dir en Parkplatz ergattere.
Mit em Zug:
Falls dir jedoch de Zug lieber isch, sind au do gäbigi Verbindige vorhande via Luzern oder Bern.
Öffnigsziite
Hesch es scho i dinere Agenda itreit?
Sodeli, s'Gas und s'Wasser isch abgstellt, de Chäsbrätler isch uf Hochglanz poliert, d'Cheli-Glässer igreiled und somit sind au d'Türe abgschlosse vom Bergrestaurant. D'Saison 2025 isch verbi. Mi seit so schön, nach de Saison isch vor de Saison.
Saisonstart: 9. Mai 2026
Kontakt
Falls e Frog hesch? Stell si.
Da sind d'Agobe um e Antwort überz'cho.
Bergrestaurant Planalp
Mittelstation Planalp, 3855 Brienz
Gastgeberin
Claudia
078 240 74 91 (Ab jetzt bini offline - Ab em März luegi ab und zue druf.)
planalpclaudia@gmail.com (Ab em Januar 2026 luegi ab und zue ie. Also am Beste es E-Mail schreibe.)
